Díli, 12/12/2022, Prezidente Komisaun Ezekutiva (KE) Bee Timor-Leste, Empreza Públika (BTL, E.P), Eng. Carlos Peloi dos Reis enkontru ho ekipa hosi JICA, iha sala reuniaun Ezekutivu, edifísiu sentrál BTL, E.P, Caicoli.
Objetivu hosi reuniaun ne’e, hodi ko’alia ou halo konfirmasaun liga ba 2nd Joint Coordination Committee (JCC) meeting ne’ebé sei realiza aban, kona-bá atualizasaun progresu servisu ne’ebé parseiru JICA durante ne’e apoia ona mai BTL, E.P.
Durante iha enkontru ne’e, JICA Expert Team hato’o mos rekomendasaun balun ba BTL, E.P, hafoin rona tiha rekomendasaun hirak ne’e, Ezekutivu BTL, E.P apresia tebes ba JICA nia servisu durante ne’e.
Alende ne’e, molok remata JICA mos entrega sira-nia relatóriu ba Ezekutivu BTL, E.P, hafoin haree tiha relatóriu ne’e, Prezidente K.E BTL, E.P agradese tebes ba JICA nia apoia tomak durante ne’e, liu-liu kooperasaun servisu entre BTL, E.P no JICA kona-bá projetu melloramentu ou hadi’a jestaun abastesimentu sistema bee moos hosi BTL, E.P iha Timor-Leste (TL).
Share on Social Media:
