Aileu, 01/12/2023. Diretór Operasasaun no Manutensaun (O&M) Bee Timor-Leste, Empreza Públika (BTL, E.P) hamutuk ho ekipa hosi parseiru Japan International Cooperation Agency-JICA hala'o vizita ba iha intake Tohumeta ne'ebé lokaliza iha aldeia 02 Berliumet, suku Tohumeta, postu-administrativu Laulara, munisípiu Aileu.
Objetivu husi vizita nee atu observa direita bee no sukat débitu bee iha intake Tohumeta.
Hafoin sukat bee rezultadu hatudu débitu bee iha intake Tohumeta ho litru 124 por segundu (124 L/s).
Volume bee iha bee matan Tohumeta 124 l/s, hodi fahe mai WTP Sentrál ho débitu55 l/s no tanke WTP Bee Moos ho débitu 37 l/s.
Husi 124 l/s ne'e ekipa deskobre katak, rekursu bee lakon iha dalan 32 l/s, ho nunee ba oin BTL, E.P prejisa indentifika.
Hafoin remata atividade iha intake Bemos, Diretór Operasaun no Manutensaun (DOM) Bee Timor-Leste Empreza Públika (BTL, E.P) ho ekipa hamutuk ho parseiru Japan International Cooperation Agency-JICA kontinua vizita Water Treatment Plant-WTP Bee Moos.
Share on Social Media:
