Díli, 03/04/2025. Diretór Operasaun no Manutensaun, Aleixo dos Santos no Jestór O&M hamutuk ho parseiru JICA observa servisu melloramentu kanu transmisaun nomos servisu manutensaun ETA iha Lahane.
Ekipa konjunta (BTL, E.P & JICA) tun ba terrenu ne'e hodi observa direta progresu servisu fíziku kona-bá instalasaun kanu transmisaun iha área Lahane.
Servisu instalasaun kanu transmisaun ne'e, hahú hosi intake ezistente ne'ebé lokaliza iha área Lahane ba to'o iha tanke rezervatóriu Lahane ho distánsia kilómetru rua (2km).
Durante fulan rua, ekipa BTL, E.P ne'ebé kompostu hosi tékniku operadór zona 1, 4, 5, 6-9 no 11, tékniku task force no motorista inklui estajiáriu sira halo servisu melloramentu ne'e, ohin konsege lori/kanaliza bee tama ona ba tanke rezervatóriu.
Maibé seidauk bele distribui tanba sei halo manutensaun ba tanke sira iha ETA Lahane, hafoin sei halo tratamentu molok fornese ba komunidade.
Share on Social Media:
