Manatuto, 10/11/2022, Ekipa Bee Timor-Leste, Empreza Públika (BTL, E.P) munisípiu Manatuto, kompostu hosi Ofisiál Apoiu Kliente no Ofisiál Administrasaun, hato’o karta notifikasaun ba kliente, sira iha Zona Ma’abat, suku Ma’abat, postu-administrativu Manatuto Villa, munisípiu Manatuto
Tuir informasaun hosi BTL, E.P Manatuto katak, razaun ekipa BTL, E.P hato’o karta notifikasaun ba konsumidór sira ne’e, tamba kliente sira la selu tarifa bee, durante fulan tolu to’o haat, maske sira asesu ona kanalizasaun bee hosi BTL, E.P.
Hafoin entrega karta notifikasaun ne’e, ekipa sira mos esplika ba kliente sira katak, notifikasaun ne’e, fó tempu ba kliente sira durante loron 10, atu hakat ba edifísiu BTL, E.P nian, hodi ko’alia kona-bá razaun la selu bee.
Enkuantu bazeia ba Diploma Ministeriál nú. 1/2004 de Fevereiro, ne’ebé ko’alia kona-bá Tabela Tarifária no Dekretu Lei nú. 4/2004 de Fevereiro, iha artigu 14 nú. 1, alinea b kona-bá selu tarifa bee moos, ho nune’e wainhira kliente sira ne’ebé asesu ona bee ne’ebé kanaliza hosi BTL, E.P, iha obrigasaun atu selu taxa, maibé la selu mak BTL, E.P sei hato’o notifikasaun ba kliente sira, hodi fó tempu durante loron 10, wainhira kliente sira la kumpri mak BTL, E.P sei orienta tékniku sira hodi dezliga ou hakotu ligasaun bee ne’ebé instala ou liga on aba kliente sira-nia hela fatin.
Ho nune’e, wainhira kliente sira ne’ebé asesu ona kanalizasaun bee hosi BTL, E.P maki ha obrigasaun atu selu taxa bee moos nian, enkuantu kustu hosi tarifa bee ne’e rasik, hodi kontribui reseitas ba kofre Estadu, nomos hodi garante sustentabilidade manutensaun ba sistema bee moos.
Share on Social Media:
