Díli, 25/04/2023, Vise-Prezidente Komisaun Ezekutiva ba Asuntu Sistema Bee, Saneamentu no Drenajen BTL, E.P, Sr. Gustavo da Cruz, akompaña Diretór DOM, Jestór DCQA, , Jestór SOM ho PMU BTL, E.P, hamutuk ekipa Compact Development Team Timor-Leste, enkontru ho delegasaun Millennium Chalenge Cooperation (MCC) husi Washington. Reuniaun ne'e realiza iha Timor Plaza, Díli.
Objetivu husi enkontru ida ne’e, hodi halo koordenasaun servisu kona-bá planu reasentamentu fatin Projetu Konstrusaun ba Estasaun Tratamentu Água Residuais (ETAR) ne'ebé finansia hosi MCC.
Durante iha enkontru ne'e, parte BTL, E.P ne'ebé reprezenta hosi Jestór DCQA halo mos aprezentasaun timeline kona-bá planu reasentamentu ba fatin projetu ETAR Bebonuk ho nia data finál hosi kada atividade. Hafoin aprezentasaun ekipa BTL, E.P no CDT-TL halo diskusaun kle'an ho parseiru sira hosi MCC nian, ligadu ho asuntu refere.
Enkuantu prosesu reasentamentu lokalizasaun ba projetu ne'e, atu hakat ona ba faze negosiasaun nian. Tanba ne'e, ekipa konjunta liu-liu tékniku sira hosi grupu interministeriál nian, sei koopera di'ak liu tan hodi aselera prosesu refere no tuir planu sei finaliza iha tinan ne'e (2023), nune'e hodi bele hakat ba faze DED nian.
Share on Social Media:
