Díli, 29/10/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Bobonaro hamutuk ho traballadór Mão de Obra (MdO), halo manutensaun ba sistema transmisaun bee ne’ebé intupidu, iha postu-administrativu Bobonaro Villa, munisípiu Bobonaro.
Ekipa BTL, E.P ho MdO identifika katak liña transmisaun bee ne’ebé intupidu ne’e, tamba kalkáriu taka metin, nune’e difikulta sirkulasaun bee hosi bee matan ba rezervatóriu, hodi prejudika mos distribuisaun bee ba komunidade sira iha área refere, maibé hafoin identifika estragus ne’e, tékniku sira halo kedas intervensaun hodi troka pipa 2inch.
Sistema transmisaun ne’ebé intupidu ne’e ho distánsia metru 80 ne’ebé lokaliza iha parte Caulocaben besik mota Bulobu, munisípiu Bobonaro.
Tuir informasaun hosi BTL, E.P munisípiu Bobonaro katak, ligasaun pipa GI sira seluk to’o iha tanke Pueluli mos, iha kalkáriu ne’ebé taka metin, tamba planeia hela iha futuru presiza troka no hasa’e mos kanu nia medidas ba 3inhc, nune’e labele hamosu tan intupidu, hodi garante fornesimentu bee ba komunidade sira.
Share on Social Media:
