Manufahi, 06/10/2022, Tékniku Bee Timor-Leste, Empreza Públika (BTL, E.P), halo ligasaun bee foun komunidade nia uma, iha aldeia Rialau, suku Letefoho, postu-administrativu Same, munisípiu Manufahi.
Tuir informasaun hosi Koordenadór BTL, E.P munisípiu Manufahi katak, tékniku operadór sira ba halo ligasaun bee ba konsumidór nia hela fatin tamba sira rejista no halo ona pagamentu iha BTL, E.P Manufahi nian.
“Sim, ami halo ligasaun ba komunidade uma kain ida, tamba sira mai rejistu no selu iha edifísiu BTL, E.P, maibé ami seidauk monta metru kontadór ba kliente ne’e nia uma, tamba iha Same laiha, maibé ami propoin ona metru kontadór ba nasionál, wainhira metru kontadór to’o iha ne’e mak ami foin ba monta fila-fali, maibé sira selu ona, tamba ita dada ona bee ba sira-nia uma”, dehan Koordenadór BTL, E.P Manufahi
Entretantu BTL, E.P munisípiu Manufahi, hatama ona proposta mai nasionál hodi propoin metru kontadór hamutuk 250, hodi prepara ba instalasaun iha komunidade sira nia hela fatin ne’ebé seidauk iha metru kontadór.
Share on Social Media:
