Díli, 21/10/2024. Vise-Prezidente Komisaun Ezekutiva (KE) Bee Timor-Leste Empreza Públika (BTL, EP) ba Asuntu Sistema Bee, Saneamentu no Drenajen, Sr. Gustavo da Cruz hala'o audiénsia públika ho Komisaun E Parlamentu Nasionál (PN), iha sala reuniaun Komisaun E.
Audiénsia públika ne'e, hodi ko’alia no halo apresiasaun inisiál ba proposta lei PPL nú. 12/VI/(2ª) kona-bá Orsamentu Jerál Estadu (OJE) tinan 2025 nian.
Iha okaziaun ne'e, Vise-Prezidente KE BTL, E.P ba Asuntu Sistema Bee, Saneamentu no Drenajen aprezenta ou esplika progresu ezekusaun OJE Tinan 2024 nian, hafoin aprezenta planu programa no orsamentu tinan 2025 nian ba Komisaun E PN.
Durante audiénsia públika ne’e, Prezidente no membru Komisaun E PN apresia ho aprezentasaun sira no fó komentáriu inklui sujestaun ba BTL, E.P hodi mellora servisu no garante abastesimentu bee moos ba populasaun sira iha kapitál Díli no munisípiu sira.
BTL, E.P anota rekomendasaun sira no agradese tebes ba deputadu/a sira hosi komisaun E nian, tanba diskusaun ohin ne’ebé di’ak no amigavél tebes.
Audiénsia ne’e lidera hosi Prezidente Komisaun E, deputadu Marcos Xavier no akompaña hosi membru komisaun sira.
Share on Social Media:
