Díli, 19/01/2023, Ekipa Tékniku Operadór zona 4, ne’ebé trasa planu ba loron atus ida iha tinan 2023, atu halo melloramentu ba sistema bee moos, iha área Cacaulidun no Moris ba Dame.
Ho Planu ne’e, Ezekutivu BTL, E.P orienta ba Tékniku Operadór zona 4, halo melloramentu ba sistema bee moos, iha área Cacaulidun, tamba ne’e loron tolu ona tékniku operadór servisu nafatin iha fatin refere, ne’ebé konsege desliga ligasaun ilegál bee no uza sanyo.
Durante melloramentu ne’e, ekipa hasa’i ligasaun ilegál no uza sanyo hodi dada bee direita husi Pipe distribuisaun ne’e, komunidade uma kain hamutuk lima nulu mak pratíka aktu ida ne’e.
Ho ligasaun ilegál no uza sanyo direita ba Pipe distribuisaun bee moos ida ne’e, kontribui hodi reduz presaun bee, ne’ebé prezudika komunidade sira seluk, labele asesu bee, maibé liu husi melloramentu ida ne'e, bele fasilita ona abitante sira seluk, ne’ebé hela iha área refere, bele asesu hotu bee moos.
Ekipa Tékniku Operadór zona 4 no reforsa servisu Eskavatór hodi kee rai kuak ba installasaun PE NOD 75 mm nian. Ho intervensaun ida ne’e, komunidade sira mos apoia servisu tékniku operadór sira, hodi installa PE NOD 75 mm.
Ho esforsu ekipa tékniku operadór iha tempu badak ekipa tékniku operadór sei finaliza melloramentu ba sistema, ne’ebé sei benefisia ba uma kain atus tolu.
Share on Social Media:
