Díli, 13/01/2023, I Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) Sr. Gustavo da Cruz enkontru ho ekipa Grupu Tékniku Interministeriál (GTI) ou superior no pontu vokál sira hosi Ministériu relevante sira ne’ebé hola parte iha GTI, iha salaun enkontru edifísiu sentrál BTL, E.P, Caicoli.
Objetivu hosi enkontru ne’e, hodi halo koordenassaun kona-bá oinsá atu halo preparasaun sira molok hakat ba faze negosiasaun ho komunidade afetada ba projetu “Melloramentu Drenajen no Saneamentu iha Sidade Díli”
Komunidade sira ne’ebé afeta direta ba projetu “Melloramentu Drenajen no Saneamentu iha Sidade Díli” mak iha área hanesan suku Bebonuk, Caicoli no Mascarenhas.
Antes ne’e, ekipa GTI ne’ebé BTL, E.P mos hola parte iha Grupu refere, ultrapasa ona faze lubuk ida, hanesan foti dadus, hala’o sorumutu ho komunidade sira hosi suku tolu ne'e nomos publika sai relatóriu ou naran lista komunidade afetada sira nian, nune'e fó tempu ba sira, hodi bele halo reklamasaun ba sira nia proprietáriu sira hanesan uma, rai no aihoris, hafoin liu tiha faze hirak ne’e, ohin ekipa GTI kontinua hala’o enkontru hodi halo preparasaun, oinsá atu hakat ba faze negosiasaun nian, entre governu liuhosi BTL, E.P ho komunidade afetada sira, molok ba faze tuir mai.
Share on Social Media:
