𝐃𝐢́𝐥𝐢, 𝟎𝟓 𝐌𝐚𝐫𝐬𝐮 𝟐𝟎𝟐𝟔. Diretór Administrasaun no Finansas BTL, E.P, Sidónio Freitas, akompaña hosi Jestora Rekursu Umanu, Joaquina da Fonseca no Ofisiál Rekursu Umanu hala’o enkontru ho ekipa JICE/JDS ho Profesór OHTANI Tomoyuki hosi Gifu 𝑈𝑛𝑖𝑣𝑒𝑟𝑠𝑖𝑡𝑦. Reuniaun ne’e realiza iha salaun enkontru BTL, E.P sentrál, Caicoli.
Reuniaun ne’e, hodi partilla informasaun sira liga ba papel BTL, E.P nian no dezenvolvimentu rekursu umanu iha BTL, E.P. Enkuantu parte universidade introduz kona-bá programa hirak ne’ebé oferese hosi Universidade Gifu inklui atualizasaun bolseiru hosi programa 𝐽𝑎𝑝𝑎𝑛 𝐷𝑒𝑣𝑒𝑙𝑜𝑝𝑚𝑒𝑛𝑡 𝑆𝑐ℎ𝑜𝑙𝑎𝑟𝑠ℎ𝑖𝑝-𝐽𝐷𝑆 nian ne’ebé durante ne’e hala’o estudu iha Universidade refere.
Relasiona ho selesaun JDS, Diretór Administrasaun no Finansas espera katak, tékniku BTL, E.P balun bele hetan oportunidade liuhosi programa JDS nian, hodi bá hala’o estudu iha Gifu 𝑈𝑛𝑖𝑣𝑒𝑟𝑠𝑖𝑡𝑦, nune’e bele hasa’e koñesimentu no abilidade tékniku liu-liu iha área bee, hodi kontribui ba BTL, E.P nia dezenvolvimentu iha futuru.
BTL, E.P apresia tebes ba ekipa hosi JDS no Profesór hosi Universidade Gifu nia prezensa, tanba bele partilla programa sira iha Universidade no buka hatene ezisténsia BTL, E.P.
Share on Social Media:
