Díli, 15/03/2023, I Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P), Sr. Gustavo da Cruz enkontru ho ekipa hosi Asosiasaun HAK, iha edifísiu sentrál BTL, E.P, Caicoli.
Objetivu hodi reuniaun ne’e, hodi hetan informasaun relasiona ho sistema bee moos ne’ebé implementa ona, iha suku Guiço, postu-administrativu Maubara, munisípiu Liquiça.
Alende ne’e, rekolla informasaun ne’e hanesan mos mekanizmu auditoria sosiál ida ba implementasaun projetu, nune’e Asosiasaun HAK bele produz rekomendasaun ba parseiru dezenvolvimentu sira ne’ebé haree liu ba projetu bee moos, nune’e mekanizmu balun ne’ebé seidauk refleta ou kondiz tuir kontestu Timor-Leste nian, fó rekomendasaun hodi bele hadi’a hamutuk, nune’e mekanizmu hirak ne’e labele birokrata liu. No pontu rekomendasaun hirak ne’e barak liu mak ba parseiru dezenvolvimentu sira.
Projetu sistema bee iha suku Guiço ne’e, nia obra fíziku finaliza ona 100% no komunidade sira mos uza ona sistema bee ne'e, maibé relasiona ho dezastre naturais ne’ebé mak akontese, hodi afeta direta ba sistema refere, nune'e sistema ne'e la funsiona ho di'ak. Ho kestaun ne'e mak, Asosiasaun HAK hakarak atu hetan dadus balun liga ba sistema bee moos ne’e.
Share on Social Media:
