Lautém, 06/02/2025, Vise-Prezidente Komisaun Ezekutiva BTL, E.P, ba Asuntu Tékniku, Sr. José Filipe Ximenes Smith, Vise-Prezidente Komisaun Ezekutiva BTL, E.P, ba Asuntu Korporativu, Sr. Manuel Tomás Amaral de Carvalho, akompana Diretór O&M BTL, E.P, Legál, Kordenadór BTL, E.P, Munisípiu Lautém ho ekipa, hala'o desiminasaun ba dekreitu lei no diploma ministerial, ne’ebé realiza iha Suku Mehara, Postu Administrativu Tutuala.
Objetivu husi diseminasaun ne’e, atu partilla regras BTL, E.P, liu-liu kona-bá dekreitu lei no diploma ministeriál hanesan dekreitu lei nú. 41/2020 de 25 setembru kriasaun Bee Timor-Leste, Empreza Públika, dekreitu lei nú. 4/2004 de 11 fevereiru “ aprova rejime fornesimentu bee ba konsumu públiku “ diploma ministeriál nú. 1/2004 de 11 fevereiru “ Tabela Tarifária “ no diploma ministerial nú. 1/2009 de 5 outobru “ Fiskalizasaun Sistema Abastesimentu Bee”.
Iha intervensaun, Vise-Prezidente Komisaun Ezekutiva BTL, E.P, ba Asuntu Korporativu, Sr. Manuel Tomás Amaral de Carvalho, husu ba benefisiariu, autoridade lokál sira, kontribui hodi asegura sistema hirak ne’e, nia funsionamentu ho di’ak, nune’e bele fasilita bee ba nesesidade loron-loron.
Iha fatin hanesan, Vise-Prezidente KE BTL, E.P, Asuntu Tékniku, Sr. José Filipe Ximenes Smith hatete, sistema bee ne’ebé komunidade sira asesu ona, ajuda fali estadu liu hosi selu tarifa bee, hodi bele reforsa retornu ba estadu.
“Ema hanoin selu bee ne’e karun los, lae bee baratu, wainhira ita utiliza didi’ak, kompra folin áqua kiik ida folin hira, folin 0,25 sentavus ne’e folin sei bo’ot liu, maibé utiliza bee ho 1000 litru ne’e, dala ruma kustu ho de’it 0,20 sentavus, tamba ne’e ita bo’ot sira hili liu ida ne’e maka razoavel. Tamba sa makai ta persija aplika tarifa bee, komunidade sira kontribui, nune’e bele halo jestaun ba bee, hodi fo oportunidade ba viziñu sira seluk mos bele asesu bee”.
Ezekutivu ne’e afirma, kanalizasaun bee moos ida ne’e, kounidade sira labele halo pratíka fura bee la tuir padraun, tamba aktu sira ne’e, sei kontribui ba bee kontamisaun. Tamba ne’e atu halo ligasaun bee ba rezidensia, tékniku operadór sira maka bele halo installasaun. Nune’e mos husu ba benefisiariu sira asesu bee ida ne’e, atu konsumu persija halo tratamentu hanesan, nonu bee ka halo fitrasaun, maka foin bele konsumu, nune’e labele fo impaktu ba saúde.
Prezidente Autoridade Munisípiu Lautém, Melio de Jesus, fo mensajen ba partisipante sira katak, intende didi’ak informasaun sira, ne’ebé parte BTL, E.P partilla, hodi bele kontribui selu tarifa bee. Lidér maxímu Munisípiu Lautém ne’e mos realsa, luidadu fasilidade, ne’ebé governu installa ona, nune’e bele fo biban ba governu liu hosi BTL, E.P, bele abranje tan fali kanalizasaun bee ba komunidade sira iha Aldeia, Suku, Postu no Munisípiu sira seluk.
iha oportunidade ne’e, PAM ho autoridade lokál sira mos hatudu fatin ba BTL, E.P, ne’ebé futuru sei konstrui edifísiu ba Balkaun, hodi fasilita kliente sira bele selu tarifa bee.
Partisipa iha atividade desiminasaun ne’e, Xefe Gabinete/Asesor Juídiku SEEAS, PNTL, Xefe Mehara, Veteranu/a, komunidade no partisipante sira seluk.
Share on Social Media:
