Covalima, 28/02/2023, Komunidade uma kain 26 asesu hikas bee moos, hafoin Tékniku Operadór (TO), Bee Timor-Leste, Empreza Públika (BTL, E.P) munisípiu Covalima hamutuk ho traballadór Mão-de-Obra (MdO) halo melloramentu ba sistema liña distribuisaun bee 3", iha Travessa Sukaer Laran, aldeia Tabaco Lot, suku Debos, munisípiu Covalima.
Komunidade refere antes ne'e, asesu ona bee maibé tanba sistema distribuisaun bee NOD 63mm ne'e, labele kobre komunidade hotu-hotu, nune'e konsumidór sira labele asesu bee ho di'ak. Tanba ne'e, BTL, E.P Covalima orienta TO ho Empregadór sira hodi halo melloramentu ba liña distribuisaun iha área refere, hodi muda fali kanu/pipa distribuisaun NOD 63mm ba NOD 90mm, hodi bele garante kliente sira hotu iha suku refere, bele asesu bee ho di'ak.
Durante servisu melloramentu iha suku Debos, konsege finaliza no ohin bele lori bee hakbesik ba komunidade sira nia hela fatin no sira bele asesu bee moos ho presaun bee mak di'ak.
Share on Social Media:
