Covalima, 04/01/2023, Ekipa Bee Timor-Leste, Empreza Públika (BTL, E.P) munisípiu Covalima tun ba terrenu hodi halo observasaun ba atividade fornesimentu bee moos, hodi haree direta presaun bee iha komunidade sira nia hela fatin.
Durante iha terrenu, ekipa BTL, E.P rona mos komunidade balun ne’ebé hato’o sira nia preokupasaun no hanoin balun, atu nune’e bele hadi’a liutan servisu iha futuru.
Enkuantu iha parte lokraik, Tékniku Operadór (TO) Bee Timor-Leste, Empreza Públika (BTL, E.P) munisípiu Covalima halo manutensaun ba kanu distribuisaun bee ne’ebé hetan estragus hosi dezastre naturais, iha área Mata Air, ne’ebé lokaliza iha suku Debos, munisípiu Covalima, hodi garante fornesimentu bee ba komunidade sira.
Koordenadór BTL, E.P Covalima informa, tékniku sira finaliza ona melloramentu no konsege rezolve sistema bee ne’ebé hetan estragus ne’e, tanba bele ona distribui bee ba komunidade sira iha fatin refere.
Share on Social Media:
