Bobonaro, 22/11/2022, Tékniku Operadór (T.O), Bee Timor-Leste, Empreza Públika (BTL, E.P) mui nisípiu Bobonaro hamoos kalkáriu, iha liña distribuisaun bee, iha Nuu Anan Ritabou, munisípiu Bobonaro.
Durante iha atividade ne’e, tékniku operadór balun utiliza jeradór, hodi tiru sai kalkáriu ne’ebé nakonu iha kanu distribuisaun laran, iha Zona 4, Ritabou, ne’ebé afeta direta ba distribuisaun bee ba konsumidór sira, iha fatin ne’e, tamba kalkáriu taka nakonu ou barak, hodi taka kanál sirkulasaun bee. Maibé hafoin nromalizasaun ne’e, distribuisaun bee la’o normál hikas, hodi fornese fila-fali bee ba komunidade sira.
Iha sorin seluk, tékniku operadór hamutuk ho traballadór Mão de Obra (MdO) kontinua halo servisu melloramentu hanesan solda pipa 3inch, iha área Solugolo, ne’ebé lokaliza iha Zona 3 Holsa Makiana, munisípiu Bobonaro.
Hafoin solda kanu ne’e, tékniku sira kontinua ke’e, hodi instala kanu hirak ne’e, nune’e labele hetan estragus hosi ema no animál, atu nune’e hodi garante abastesimentu bee ba komunidade sira, iha área ne’e.
Share on Social Media:
