Bobonaro, 05/12/2023, Koordenadór Bee Timor-Leste, Empreza Públika (BTL, E.P) munisípiu Bobonaro ho tékniku akompaña ekipa hosi kompañia H2O, halo peskiza jeoelétriku, hodi prepara ba perfurasaun bee, iha aldeia Tutubaba, suku Aidaba-Leten, postu-administrativu Atabae, munisípiu Bobonaro.
Objetivu hosi peskiza jeoelétriku ne’e, hodi identifika rekursu bee iha rai okos no halo análize atu bele hatene kona-bá rekursu bee iha fatin refere di’ak ou lae nomos hodi hatene bee iha fatin ne’e boot ou lae, molok hakat ba faze perfurasaun.
Peskiza jeoelétriku ne’e hala’o iha pontu hirak ne'ebé lokaliza iha suku Aidaba-Leten no rezultadu hatudu, fatin refere iha poténsia rekursu bee, nune’e planeia atu halo perfurasaun, nune'e iha futuru, hodi bele responde ba populasaun sira nia preokupasaun kona-bá problema falta bee moos.
Share on Social Media:
