Díli, 24/10/2024. Vise-Prezidente Komisaun Ezekutiva (KE) Bee Timor-Leste Empreza Públika (BTL, EP) ba Asuntu Sistema Bee, Saneamentu no Drenajen, Sr. Gustavo da Cruz, akompaña S.E Ministru Obras Públikas (MOP), Sr. Samuel Marçal, hala'o audiénsia públika ho Komisaun C ne'ebé trata asuntu Finansa Públika (Finanças Públicas) Parlamentu Nasionál (PN), iha sala Plenária.
Audiénsia públika ho Komisaun espesializada ne'e, hodi halo apresiasaun ba proposta lei númeru 12/VI/(2ª) Orsamentu Jerál Estadu (OJE) tinan 2025.
Iha biban ne'e, S.E MOP aprezenta mos alokasaun no progresu ezekusaun OJE tinan 2024 nian ba Komisaun C.
Audiénsia ne’e lidera hosi Prezidente Komisaun C, Deputada Cedelízia Farria dos Santos deputadu akompaña hosi membru komisaun sira.
Share on Social Media:
