Díli, 23/09/2024. Vise-Prezidente Komisaun Ezenkutiva (KE) Bee Timor-Leste, Empreza Públika (BTL, E.P), Gustavo da Cruz, ho Diretór O&M akompaña S.E Ministru Obras Públikas (MOP), Samuel Marçal partisipa enkontru koordenasaun ho S.E Prezidente Repúblika, José Ramos Horta, iha salaun enkontru Xina, Palásiu Prezidensiál, Aitarak-Laran, Díli.
Reuniaun ne’e, hodi koordena no aprezenta ba S.E Prezidente Repúblika kona-bá preparasaun sira relasiona ho “Festivál Rabilau” ne’ebé sei realiza iha fulan oin.
Enkuantu festival Rabilau ne’e, sei hahú iha loron 16 to’o iha 19, iha postu-administrativu Maubisse, munisípiu Ainaro, ho objetivu hodi promove kultura, turizmu no kulinária. Maibe atividade iha Rabilau, sei hahú kedas iha loron 15.
Enkontru ne’e, partisipa hosi S.E Vise-Primeiru Ministru, Ministru Koordenadór Asuntu Sosiál no Ministru Dezenvolvimentu Rurál no Abitasaun Komunitária, MOP, Ministério Juventude desportu Arte no Kultura, SECOMS inklui ekipa komisaun organizadora ba eventu ne'e.
Share on Social Media:
