Díli, 29/05/2025. Prezidente Interinu no Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, Sr. José Filipe Ximenes Smith, Vise-Prezidente KE BTL, E.P ba Asuntu Korporativu, Sr. Manuel Tomás Amaral de Carvalho ho Diretór Administrasaun no Finansas (DAF) nomos Diretór Enjeñaria no Investimentu (DEI) akompaña S.E Ministru Obras Públikas (MOP), Sr. Samuel Marçal, partisipa iha audiénsia públika ho Komisaun C Parlamentu Nasionál (PN) ne'ebé trata asuntu finansas públikas, iha sala plenária PN.
Ohin, Komisaun C PN ne’ebé trata asuntu finansas públikas hala’o audiénsia públika ho membru Governu hosi ministériu haat, hanesan Ministériu Obras Públikas (MOP), Ministériu Finansas (MF), Ministériu Transportes no Komunikasoens (MTK) no Ministériu Planeamentu no Investimentu Estratéjiku (MPIE), ho objetivu hodi haree no halo diskusaun kona-bá ezekusaun Orsamentu Jerál Estadu (OJE) tinan 2025, ba trimestre dahuluk nian.
Audiénsia ne'e, prezide hosi Prezidente Komisaun C, Deputada Cedelízia Faria dos Santos ho partisipasaun hosi Deputadu no Deputada sira hosi Komisaun C PN.
Share on Social Media:
