饾悆饾悽虂饾惀饾悽, 饾悞饾悶饾惐饾惌饾悮-饾悷饾悶饾悽饾惈饾悮 饾煇饾煇 饾悓饾悮饾悽饾惍 饾煇饾煄饾煇饾煍
Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz, akompaña Ministru Obras Publikas (MOP), Samuel Marçal kontinua hala’o audiénsia públika ho Komisaun C no E, iha sala plenária Parlamentu Nasionál (PN).
Audisaun ohin nian, Ministériu Obras Publikas (MOP) ho Ajénsia Autónoma sira ne’ebé tutela iha MOP hamutuk ho Ministériu Planeamentu no Investimentu Estratéjiku (MPIE) hala’o audiénsia públika ho Komisaun C ne’ebé trata Asuntu Finansas Públikas nomos Komisaun E ne’ebé trata asuntu Infraestrutura nian.
Audénsia públika ne’e, prezide hosi Prezidente Komisaun C nomos Prezidente Komisaun E no partisipa hosi membru Komisaun C no E nian, ligadu ho Proposta Lei 31/VI(3ª) – alterasaun dahuluk ba Lei 08/2025, loron 27 fulan novembru kona-bá Orsamentu Jerál Estadu (OJE) ba tinan 2026 nian, liu-liu proposta Orsamentu Retifikativu (OR) 2026 ho montante adisionál millaun $192, ne'ebé Governu submete ona ba PN ho karakter urjénsia, ho objetivu atu mitiga impaktu hosi funu iha Médiu Oriente.
Share on Social Media:
