Díli, 03/10/2025, Prezidente Komisaun Ezekutiva (KE), Bee Timor-Leste, Empreza Públika (BTL, E.P), Sr. Gustavo da Cruz, enkontru ho Misaun ida hosi Banku Dezenvolvimentu Aziátiku (ADB, sigla inglés) nian, iha sala reuniaun Ezekutivu, Caicoli.
Sorumutu ne’e, hodi atualiza informasaun liga ba 𝑠𝑖𝑡𝑒 𝑣𝑖𝑠𝑖𝑡 ne’ebé ekipa konjunta (BTL, E.P, PMU, MOP, MF no ADB) hala’o ona iha fatin implementasaun projetu sistema bee iha Same, munisípiu Manufahi no Lospalos, munisípiu Lautém.
Iha reuniaun ne’e, ekipa ADB relata kona-bá sira-nia observasaun iha terrenu no sira apresia tebes ba esforsu tomak no preparasaun sira, parseiru ABD kontente ho servisu ne’ebé BTL, E.P no PMU halo, atu nune’e bele implementa lalais projetu refere iha munisípiu rua ne’e.
Enkuantu projetu melloramentu sistema bee moos ba kapitál munisípiu Manufahi no Lautém, sei halo lansamentu iha fulan novembru, tanba daudaun ne’e, iha ona CNA nune’e tempu badak sei submete ba Konsellu Ministrus (KM), hodi hetan aprovasaun no autorizasaun ba delegasaun ne’ebé mak atu asina kontratu.
Projetu melloramentu sistema bee ne’ebé sei implementa iha kapitál munisípiu rua ne’e, sei ezekuta hosi kompañia 𝐶ℎ𝑖𝑛𝑎 𝑁𝑢𝑐𝑙𝑒𝑎𝑟 𝐼𝑛𝑑𝑢𝑠𝑡𝑟𝑦 22𝑛𝑑 𝐶𝑜𝑛𝑠𝑡𝑟𝑢𝑐𝑡𝑖𝑜𝑛 𝐶𝑜.𝐿𝑡𝑑 no 𝐵𝑒𝑖𝑗𝑖𝑛𝑔 𝑈𝑟𝑏𝑎𝑛 𝐶𝑜𝑛𝑠𝑡𝑟𝑢𝑐𝑡𝑖𝑜𝑛 𝐺𝑟𝑜𝑢𝑝 𝐶𝑜.𝐿𝑡𝑑.
Share on Social Media:
