Díli, 26/07/2024, Vise-Prezidente Komisaun Ezekutiva Bee Timor-Leste, Empreza Públika (BTL, E.P) ba Asuntu Boa Governasaun no Fortalesimentu Institusionál, Sra. Elizabeth Amaral, akompaña hosi Diretór Administrasaun no Finansas (DAF) nomos Jestór ICT enkontru ho ekipa hosi Telemor, iha sala reuniaun Ezekutiva BTL, E.P sentrál, Caicoli.
Objetivu hosi enkontru ne’e, hodi atualiza ou deskute kona-bá prosesu pagamentu eletróniku/online ou e-payment liuhosi sistema Mosan.
Ohin, BTL, E.P ho Telemor inisia diskusaun, atu oinsá bele utiliza sistema Mosan, hodi halo pagamentu ba tarifa bee. Katak kliente sira atu selu tarifa bee nian, sei liuhosi sistema Mosan, nune’e la presiza bá to’o iha balkaun, maibé prosesu refere daudaun ne’e sei iha hela faze diskusaun.
Share on Social Media:
