Lautém, 20/12/2023, Tékniku DEI Bee Timor-Leste Empreza Públika (BTL, EP) hamutuk ho Project Management Unit-PMU-MOP/BTL, E.P no Koordenadór ho ekipa BTL, E.P Munisípiu Lautém lori ou akompaña kompañia internasionál sira hala'o site visit, iha munisípiu Lautém.
Antes ne’e, iha loron 18 fulan dezembru tinan 2023 ne’e, ekipa DEI hamutuk ho PMU-MOP/BTL, E.P no Koordenadór ho ekipa BTL, E.P Munisípiu Viqueque lori ou akompaña kompañia internasionál sira hala'o uluk site visit, iha munisípiu Viqueque.
Objetivu hosi atividade site visit ne'e, hodi observa direta fatin ne'ebé identifika ona tuir Dezeñu Detalladu (DED, sigla inglés) ba Projetu Melloramentu Sistema Abastesimentu Bee no Saneamentu, ne’ebé tuir planu sei implementa iha kapitál munisípiu rua ne’e.
Share on Social Media:
