Díli, 10/11/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz enkontru ho Diretór Diresaun Nasionál ba Regulasaun Bee no Saneamentu (DNRAS, sigla portugés) ho tékniku DNRAS nian, iha Prezidente nia knaar fatin BTL, E.P, Caicoli
Reuniaun ne’e, hodi ko’alia kona-bá sistema perfurasaun ne’ebé lokaliza iha Camea, Has-Laran nian ho entrega perfurasaun ne’e hosi DNRAS ba BTL, E.P hodi operasionaliza sistema referida, nune’e bele fornese bee moos ba komunidade sira, iha área Camea nian.
Obra perfurasaun bee ne’e ezekuta hosi Institutu Jeosiénsia Timor-Leste (IGTL, sigla portugés) no IGTL rasik entrega ona obra perfurasaun ne’e ba MOP liuhosi DNRAS. No ohin, parte Autoridade Reguladora DNRAS mai entrega ofisialmente ba BTL, E.P xave painel no dokumentu sira hosi sistema bomba ne’e nian, atu BTL, E.P bele halo jestaun ba rekursu ne’e.
Ho nune’e, iha tempu besik, ekipa téknika BTL, E.P sei tun ba observa sistema perfurasaun ne’e, hodi halo ๐๐ข๐๐๐๐๐ ๐ก๐๐ ๐ก, molok BTL, E.P promove hodi halo melloramentu.
Share on Social Media:
