Díli, 07/11/2024. Ekipa Bee Timor-Leste, Empreza Públika (BTL, E.P) ne’ebé lidera hosi Diretór Operasaun no Manutensaun (DOM), Sr. Aleixo dos Santos, akompaña hosi ekipa Departamentu Kontrolu Kualidade no Ambiente (DCQA, sigla portugés) inklui Departamentu Legál realiza enkontru ho parte Diresaun Nasionál ba Regulamentu Bee no Saneamentu (DNRAS, sigla portugés), iha sala reuniaun DNRAS, Caicoli.
Reuniaun ne’e, hodi ko’alia no halo aprezentasaun liga ba programa Kontrolu Kualidade bee ba konsumu umanu, iha tinan 2025 nian, hodi hetan hanoin balun hosi DNRAS, molok hetan aprovasaun hosi Autoridade Reguladora ne’e.
Durante iha aprezentasaun ne’e, iha mos komentáriu hosi ekipa DNRAS no husu ba BTL, E.P, atu oinsá bele mantein bee ne’ebé seguru no kualidade ba konsumidór sira, bazeia ba rekezitu sira ne’ebé sita ona iha dekretu lei 31/2020.
Share on Social Media:
