Díli, 10/07/2023. Prezisente KE Bee Timor-Leste, Empreza Púlika (BTL, E.P), Eng. Carlos Peloi dos Reis, hetan vizita no hala’o enkontru ho Prezidente no ekipa kompañia The Carrying Water Project (CWP), Global LTD hosi Japaun. Enkontru ne’e realiza iha sala reunaiun Ezekutivu, BTL, E.P sentrál, Caicoli, Díli.
Objetivu hosi reuniaun ne’e, hodi partilla informasaun ba ekipa CWP Global LTD, ligadu ho setór bee moos iha Timor-Leste nomos sistema tratamentu bee fo’er (águas residuais).
Prezidente CWP Global LTD, Kon Yosuke hatete, enkontru ne’e hodi hetan informasaun hosi BTL, E.P kona-bá sistema kanalizasaun bee moos no bee fo’er no iha futuru CWP Global LTD hakarak servisu hamutuk ho BTL, E.P
“Ami hosi kompañia CWP Global no ami iha planu atu hala’o negósiu iha Timor-Leste liu-liu iha área kanalizasaun bee moos no bee fo’er, ne’ebé ohin loron ami mai vizita ita boot sira nia ezekutivu, atu husu informasaun atuál kona-bá kanalizasaun bee fo’er iha Timor-Leste ne’e iha situasaun oinsá. Ohin loron ami rona katak iha Timor-Leste presiza mos sistema atu halo manutensaun ba kanalizasaun nian, liu-liu atu hamoos kanál nia laran. Tanba ne’e ami mos iha interese ba ida ne’e no ba oin ami hakarak kolabora hamutuk ho Bee Timor-Leste”, informa Prezidente CWP Global LTD Kon Yosuke.
Parte BTL, E.P rasik apresia no agradese ba CWP Global LTD nia inisiativa ne’ebé hakarak kolabora ho BTL, E.P, hodi haree ba sistema bee iha nasaun TL.
Share on Social Media:
