Díli, 04/05/2023. Ekipa Bee Timor-Leste, Empreza Públika (BTL, E.P), ne’ebé reprezenta hosi Jestór RP & GIS Sr. Almeida Boavida no Jestór DCQA, Sr. Hipólito Amaral, Jestór DAK & SOM Interinu, Sr. Roberto Rodrigues Varela hamutuk ho ekipa hosi Compact Development Team, Timor-Leste (CDTL-TL) enkontru ho Diretór-Jerál Terras no Propriedades (DJTP), Ministériu Justisa (MJ), Sr. Lucas António da Costa, iha DJTP nia knaar fatin, Bebora, Díli.
Reuniaun ne’e hodi koordena marka tempu atu ekipa GTI hodi tau hamutuk ideia, oinsa mak halo preparasaun ba negosiasaun ho komunidade afetada hosi projetu Melloramentu Bee, Saneamentu no Drenajen (Water, Sanitation and Drainage-WSD) iha sidade Díli inklui Sistema Tratamentu Bee Foer (Waste Water Treatment Plant-WWTP) iha Bebonuk.
Projetu refere liu ona prosesu lubuk ida, hanesan publikasaun, simu ona reklamasaun sira hosi komunidade afetada no akumula ona iha relatóriu no dadaun ne’e, atu hakat ba faze preparasaun ba negosiasaun nian, molok hakat ba faze DED.
Enkuantu projetu Melloramentu Water, Sanitation and Drainage (WSD) iha sidade Díli ne’e finansia hosi Millennium Challenge Corporation-MCC.
Share on Social Media:
