Díli, 17/10/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz enkontru ho Jerente Água de Portugal (AdP) iha Timor-Leste (TL), Sr. Mário Santos, iha Prezidente nia knaar fatin BTL, E.P, Caicoli.
Reuniaun ne’e, hodi diskute kona-bá kooperasaun ne’ebé antes ne’e Governu Timor-Leste (TL) estabelese ona ho Governu Portuguesa relasiona apoia téknika mai BTL, E.P, liuhosi parseiru AdP. Tanba ne’e diskusaun ohin, atu prepara proposta ida, hodi submete ba Ministériu Obras Públikas (MOP) hodi haree no halo diskusaun ba asuntu referidu.
Daudau ne’e, AdP elabora hela esbosu proposta ida, bazea ba kooperasaun entre nasaun nian (Governu TL ho Governu Portuguesa) ne’ebé iha ona, hein katak iha tempu besik AdP bele submete proposta ne’e ba MOP.
Proposta pormenor ne’ebé AdP sei dezenvolve haree liu ba asuntu asisténsia téknika nian, liu-liu iha área espesífika ne’ebé mak BTL, E.P presiza atu hetan apoiu hosi AdP.
Share on Social Media:
