Díli, 14/10/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz hamutuk ho Koordenadór PMU/MOP Bee no Saneamentu ho ekipa enkontru ho parte Comissão Justiça e Paz Arquidiocese de Díli, iha Lecidere.
Reuniaun ne'e, hodi kon’alia kona-bá parsela rai ne’ebé afeta ba konstrusaun tanke rezervatóriu iha Same Vila, nomos entrega dezeñu tanke rezervatóriu nian inklui mapa rai dioseze nian ne’ebé sei utiliza ba konstrusaun tanke rezervatóriu, hafoin finaliza halo levantamentu dadus téknika hosi ekipa konjunta BTL, E.P, PMU no DJTP.
Enkuantu parsela rai misaun nian ne’ebé afeta hosi investimentu ne’e, sei laiha fa’an no sosa (laiha 𝑐𝑜𝑚𝑝𝑟𝑎 𝑒 𝑣𝑒𝑛𝑑𝑎), maibé sei iha de’it akordu entre dioseze ho BTL, E.P liga ba oferese parsela rai misaun nian ba BTL, E.P hodi utiliza ba konstrusaun tanke rezervatóriu bee, iha Same Vila.
Tuir planu ou data tentativa akordu entrega rai ne’e sei asina iha fulan novembru tinan ne’e, iha ámbitu lansamentu ba projetu melloramentu sistema kanalizasaun bee, iha Same, munisípiu Manufahi
Share on Social Media:
