𝐁𝐚𝐮𝐜𝐚𝐮, 𝟐𝟔 𝐌𝐚𝐫𝐬𝐮 𝟐𝟎𝟐𝟔. Hafoin sosializasau Diretór DOM, Aleixo dos Santos, Jestór DAK, Ofisiál Legál, akompaña hosi Koordenadora BTL, E.P Munisípiu Baucau ho ekipa, hamutuk ho Administradór Postu-administrativu Laga no SMASA observa edifísiu SMASA nian, ne’ebé lokaliza iha Postu-administrativu Laga, Munisípiu Baucau.
Edifísiu SMASA nian ne’e abandona ou la utiliza ona, nune’e APA Laga sei entrega ba BTL, E.P hodi utiliza ba balkaun BTL, E.P nian, nune’e bele fó atendimentu ba kliente sira, iha PA Laga.
Diretór DOM lori BTL, E.P nia naran hato’o agradese wa’in ba APA Laga no SMASA Baucau nian, tanba bele oferese ona edifísiu ne’e, atu bele utiliza ba balkaun BTL, E.P nian no tempu badak tékniku BTL, E.P nasionál sei halo levantamentu tékniku ba infraestrutura refere.
Alende ne’e, kontinua observa instalasaun metru kontadór iha kliente nia uma no husu ba diretór kompañia implementadór ho tékniku, atu hadi’a fila-fali fasilidade bee ne’ebé la funsiona, molok inaugural projetu melloramentu sistema bee ne’e.
Hafoin ida ne’e, Diretór DOM ho ekipa kontinua vizita balkaun BTL, E.P nian ne’ebé lokaliza iha aldeia Betulale, suku Tirilolo, PA Baucau, hodi haree direta kondisaun no ekipamentu sira iha balkaun ne’e.
Share on Social Media:
