Baucau, 02/10/2023. Koordenadora Bee Timor-Leste, Empreza Públika (BTL, E.P) munisípiu Baucau, reuniaun ho Administradór postu-administrativu Vemasse, Pedro da Costa Freitas, iha edifísiu administrasaun Vemasse, munisípiu Baucau.
Sorumutu ne’e, hodi ko’alia ou halo aproximasaun ho Administradór postu-administrativu Vemasse, kona-bá fatin ne’ebé mak atu harii balkaun BTL, E.P nian, iha Vemasse.
Hafoin enkontru, Koordenadora BTL, E.P Baucau ho Administradór postu-administrativu Vemasse hakat kedas ba edifísiu antigu PAM nian, hodi haree direta fatin refere, maibé daudaun ne’e, fatin refere abitante balun mak hela ou okupa hosi abitante balun.
Ho nune’e, Koordenadora BTL, E.P hamutuk ho Administradór postu-administrativu Vemasse, halo kedas aproximasaun ho abitante ne’ebé okupa ou hela iha edifísiu antigu PAM ne’e.
Durante halo aproximasaun, konsege iha konkordánsia, tanba abitante ne’e hakarak kolabora ho parte rua no prontu entrega espasu ne’e ba BTL, E.P, maibé abitante ne’e husu ba parte atu kria kondisaun ba sira, molok entrega rai ne’e BTL, E.P, hodi halo kontrusaun ou harii balkaun BTL, E.P nian.
Share on Social Media:
