Viqueque, 03/07/2024, Prezidente Komisaun Ezekutiva BTL, E.P, Eng. Carlos Peloi dos Reis, akompaña Diretór DEI BTL, E.P, Jestór Infraestrutura BTL, E.P, engeñeiru BTL, E.P no ekipa tékniku operadór BTL, E.P munisípiu viqueque, enkontru ho Prezidente Autoridade Munisípiu Viqueque h onia ekipa, reuniaun ne’e, hala’o iha Administrasaun Munisípiu Viqueque.
Objetivu husi enkontru ne’e, Preizdente KE BTL, E.P, introduz BTL, E.P nia papel no partilla mos informasaun kona-bá BTL, E.P nia prezensa, ne’ebé dezenvolve ona setór bee no saneamentu iha territóriu nasionál.
Iha oportunidade ne’e, Ezekutivu BTL, E.P atualiza projetu hirak, n’ebé implementa ona iha Postu Administrativu Ossu, Lakluta no mos Uatucarbau atu hahu mobiliza ona material iha tempu badak. Tamba ne’e ho esforsu sira ne’e hotu, parte BTL, E.P husu ba PAM viqueque atu bele halo koperasaun di’ak, hodi kontribui ba libertasaun povu nia nesesidade liu-liu liga ba bee moos.
Iha fatin hanesan, Prezidente Autoridade Munisípiu Viqueque, Francisco Cruz Simões de Gonzaga Soares, agradese tebes ba BTL, E.P, ne’ebé bele lori ona bee hakbesik ba populasaun sira, liu-liu iha munisípiu viqueque, tamba ne’e autoridade prontidaun atu kolabora no halo koperasaun di’ak liu tan, hodi bele kanaliza bee ba komunidade sira, ne’ebé maka sei halerik hela ba bee moos.
“ Ami durante ne’e servisu hamutuk ho BTL, E.P destakadu iha munisípiu viqueque, ami sempre komunika no kolabora malu, wainhira iha kestaun ruma kona-bá ba bee moos, servisu hamutuk ida ne’e, sei nafatin bao in, hodi liberta povu husi nesesidade primaria ne’e”.
Iha biban ne’e mos Prezidente Autoridade rekomenda ba BTL, E.P korespodente iha munisípiu viqueue atu bele kontrola maxímu ba komunidade individu balun, ne’ebé kontinua pratíka halo ligasaun ilegál no utiliza bomba eletrika hodi fura bee, tamba aktu ida ne’e, ida ne’e sei kontribui hodi reduz bee labele too ba populasaun sira seluk.
Fahe ba Sosial Media:
