Díli, 14/05/2024, Prezidente Komisaun Ezekutiva BTL, E.P, Eng. Carlos Peloi dos Reis, Vise-Prezidente Komisaun Ezekutiva BTL, E.p, ba Asuntu Sistema Bee Saneamentu no Drenajen, Gustavo da Cruz, Vise-Prezidente Komisaun Ezekutiva BTL, E.P, ba Asuntu Boa Governasaun no Fortalesimentu Institusional, Elizabeth Amaral, akompaña Diretór DEI BTL, E.P, Diretór DAF BTL, E.P, Diretór DOM BTL, E.P, partisipa reuniaun lansamentu (Kick-Off Meeting), ho JICA relasiona Avaliasaun Konjunta “Joint Terminal Evaluation” ne’e, sei halo ba projetu melloramentu jestaun sistema abastesimentu bee, enkontru rasik realiza iha Salaun Enkontru BTL, E.P, Caicoli.
Objetivu husi kick-off meeting ne’e mak atu diskute kona-bá metodolójia no orariu avaliasaun, atu bele asegura nafatin prosesu avaliasaun ne’e la’o ho diak.
Iha oportunidade ne’e, Prezidente KE BTL, E.P informa katak, sei iha disponibilidade atu partisipa iha avaliasaun no fiar katak rezultadu avaliasaun ne’e, sei bele hamosu rekomendasaun di’ak, hodi kontinua hetan apoiu no parseria entre JICA no BTL, E.P.
Share on Social Media:
