Lautém, 20/03/2023, Bee Timor-Leste, Empreza Públika (BTL, E.P) nasionál no munisípiu Lautém, hamutuk ho tékniku sira hosi Ajénsia Dezenvolvimentu Nasionál (ADN) no Konsultór Água de Portugal-AdP halo verifikasaun ba fatin ne’ebé sei implementa projetu Urban Water Supply kapitál postu Lospalos, iha munisípiu Lautém.
Ekipa konjunta hala’o vizita lokál ne’e, hodi haree direta fatin ou lokalizasaun projetu ne’ebé prepara ona iha mapa no BoQ atu nune’e bele apar ho kondisaun iha terrenu.
Durante iha vizita lokál ne’e, ekipa konjunta haree no reajusta fatin sira hanesan rezervatóriu, pontu perfurasaun, bee matan no lokál ETAR nian, hodi verifika detalla fatin ne’ebé iha futuru sei implementa projetu refere kondiz ona tuir dezeñu mapa no BoQ ne’ebé dezenvolve/prepara hosi konsultór sira ne’e ou lae, atu nune’e labele difikulta implementasaun projetu refere iha futuru.
Share on Social Media:
