Ermera, 11/10/2022, Tékniku Operadór (T.O) Bee Timor-Leste, Empreza Públika (BTL, E.P), munisípiu Ermera halo servisu manutensaun hanesan solda kanu distribuisaun bee 4” ne’ebé estragu ou ku’ak, iha área Fatuquero, ne’ebé lokaliza iha aldeia Palimano, suku Fatuquero, munisípiu Ermera.
Tuir informasaun hosi Koordenadór BTL, E.P munisípiu Ermera katak kanu distribuisaun ne’ebé ku’ak ne’e, tamba kanu refere feruzen ona, ho estragus ne’e, difikulta fornesimentu bee ba komunidade sira ne’ebé durante ne’e asesu bee liuhosi liña distribuisaun refere.
Ho nune’e, hafoin identifika estragu ne’e, tékniku sira mobiliza kedas materiál hodi halo manutensaun ba liña distribuisaun ne’e no daudaun ne’e, sirkulasaun bee hosi kanu disrtibuisaun ne’e la’o normál ona no komunidade sira bele asesu hikas ona bee.
Share on Social Media:
